Manifeste affirmant le caractère un et divers de la langue d'Oc

#149: Bruno Peiràs - Re: Re: Re: Re: MERCI AUX PREMIERS SIGNATAIRES

Quouro afourtissès que " Cal una lenga per deman, una lenga viva. Pas una lenga arrucada, o estequida", vous pode respondre dos-tres causeto:

e d'uno, vese pa perdequé voste "oucitan" sariè "uno lengo vivo" e ma lengo d'en Ceveno uno lengo estequido? D'ounte vous ven aquesto certeso, per pa dire aquesto croio ? Nous prenès per dequé?

e de dos, ço que me fai làgui din voste biai de pensa, es que l'oucitan sariè uno lengo d'avenidou (e ma lengo cevenolo uno lengo dau passat, de-segu)... Ounte vivès, en quino planeta, per saupre pa (ou pa voudre saupre) que per lou "pople oucitan" li a dos lengo per l'avenidou: lou francés e l'anglés ?

Las Calandretas ? dise pa que li ague pa'gu quauco capitado, mè enfin: i a mai d'un article que mostro qu'à la fi de lus estudie, lous calandrou an abandouna la lengo, e l'an pa mai ni miel trasmés à lus efant que lous autre... Ai-las, dise ieu, perdequé creseguère de tems que las Calandretas serièu la souluciu (sièi lou vice-president foundadou de la Calandreta de Gardons, en Alès)

e de tres: voste argumentàri (abandounas vosto parladuro tant loucalo e sens avenidou) retrai de trop l'argumentàri de nostes enemi (abandounas vostos parladuro loucalo, es lou francés qu'es la lengo de l'avenidou, pa l'oucitan nimai lou bretoun) per  èstre ounèste. Vous hou dise embé moun franc valentin, escusas...

Se pensas, coumo Lafont, que l'oucitan se bastira su la mort das pateses, serias bièn brave de hou dire: dau cop, aurian pu ren mai à nous dire.