#277: Ive Gourgaud - Re: Re: Re: Re: Re: Seul un vote populaire...

Non, lo Collectiu Provença es pas un enemic, mai es clar que sei dirigents se compòrtan coma se l'occitanisme - e l'occitanisme solet, non pas lo jacobinisme - èra son enemic.

Siáu pas còntra leis elements tradicionaus de la cultura provençala, a condicion d'evitar de lei folclorizar en lei presentant coma de caracteristicas immudablas, e mai etèrnas d'una identitat de Provença. En mai d'aquò, coma integrar a la cultura nòstra lei gents qu'an una autra origina ? Coma pensar la realitat sociolingüistica de la societat modèrna ? Dobti prefondament de l'eficacitat vertadiera de l'accion dau Collectiu. Li manca una reflexion politica e sociala per que pòsca capitar.

#280: DanièlOlivar - Re: Re: Re: Re: Re: Re: Seul un vote populaire...

Un bòn article de Jornalet, amb l'entrevista d'un gardiòu per un lengadocian : http://www.jornalet.com/nova/850/la-gardia-vilatge-occitan

#280: DanièlOlivar - Re: Re: Re: Re: Re: Re: Seul un vote populaire...

Su tout ço qu'afourtissès, save pa s'avès tort ou rasou, e m'engardarai be de vous voudre countrasta aici-dessubre: counouissès la situaciu prouvençalo mièl que noun pa ieu.

Uno causo que me fai douta: pensas à-de-bo que per capita foudriè au Couleitiéu "uno reflessiu poulitico e soucialo" ?

Me semblo que l'oucitanisme, desempièi mai d'un siècle, s'especialisè mai que mai dinc aquesto reflessiu poulitico e soucialo (cf. touto la pensado de Lafont), e pamens la resulto es gaire impressiounanto, que disès que sèn proche la mort de la lengo !

Mè belèu que din vosto pensado li aguè pa prou de poulitico din l'oucitanisme ? E quino poulitico seriè la bono ? A despart dau radicalisme independentisto, vese pa trop uno pensado que nous posque sauva (e l'independentisme, à moun avejaire, es impoussible perdequé li a ges de "nacioun oucitano" e ges de "pople oucitan")...